Valmir Veliu fiton çmimin “Ylli i javës”

10:22 | 21 Tetor 2021
Arbresh.info

Federata e Futbollit e Kosovës së bashku me sponsorin e Superligës, Bankën Kombëtare Tregtare, BKT Kosova , vazhdojnë të ndajnë çmimin “Ylli i javës”, për lojtarin më të mirë të xhiros.

“Ylli i javës” i xhiros së 10-të në BKTSuperligë është shpallur futbollisti Valmir Veliu, anëtar i K.F. Llapi

21-vjeçari, është ndër lojtarët më të spikatur të skuadrës llapjane si me lojën e shfaqur, ashtu edhe me golat e asistimet e tij.

Veliu shënoi 2 gola dhe bëri një asistim në ndeshjen e javës së 10-të që skuadra e tij e mposhti FC Ulpianën me rezultat të thellë 0:6. Me këtë fitore Llapi është këndellur dhe ka dalë nga zona e rrezikshmërisë në tabelën momentale.

Çmimin “Ylli i javës” për sulmuesin e skuadrës së Llapit e dorëzoi Bashkim Kurti, menaxher i degës së BKT-së në Podujevë./lajmi.net/

Shpërndaje në rrjete sociale

Lajmet më të lexuara

Të ngjashme

Foto lajm